O'zbekiston respublikasi investitsiya siyosatigaBozor iqtisodiyotiga bosqichma-bosqich o‘tish jarayonida investitsiyalarning iqtisodiy rivojlanishdagi o‘rni va ahamiyati tobora ortib bormoqda. Har qanday davlatning barqaror iqtisodiy o‘sishi, ijtimoiy sohani rivojlantirish, zamonaviy texnologiyalarni joriy etish va ish o‘rinlarini yaratish bevosita investitsion faoliyat darajasiga bog‘liqdir. Shu nuqtai nazardan qaraganda, O‘zbekiston Respublikasi tomonidan olib borilayotgan investitsiya siyosati mamlakat iqtisodiyotini modernizatsiya qilish va raqobatbardoshligini oshirishning muhim vositasi hisoblanadi.     O‘zbekiston Respublikasining Investitsiyalar va tashqi savdo vazirligi, xalqaro moliya institutlari bilan hamkorlik, hamda yillik Davlat investitsiya dasturlari doirasida amalga oshirilayotgan islohotlar, mamlakatning investitsion muhitini yanada yaxshilashga xizmat qilmoqda. Jumladan, xorijiy sarmoyadorlar uchun kafolatlar berilishi, soliq va bojxona imtiyozlarining taqdim etilishi, investitsiyalarni himoya qilish bo‘yicha qonunchilikning takomillashuvi investitsiya jozibadorligini oshirayotgan asosiy omillardandir.