Hozirgi globallashuv va raqamlashtirish sharoitida har qanday milliy iqtisodiyotning raqobatbardoshligi tobora koʻproq innovatsiyalarni – yangi bilim, texnologiya va boshqaruv yechimlarini yaratish hamda ularni amaliyotga tatbiq etish qobiliyati bilan belgilanadi. XXI asr iqtisodiyotida asosiy yetakchi kuch kapital yoki tabiiy resurslar emas, balki intellektual salohiyat va innovatsion faollikdir. Mana shu sharoitda korxonalar va davlatlarning bozordagi muvaffaqiyati koʻp jihatdan innovatsion marketingning toʻgʻri shakllantirilishiga bogʻliq boʻladi. Innovatsion marketing yangi mahsulot va xizmatlarni yaratish, ularga talab shakllantirish hamda bozorda mustahkamlanish jarayonlarini birlashtiruvchi murakkab va strategik faoliyatdir.